काँग्रेश सभापति देउवा प्रधानमन्त्रीमा नियुक्ती
२९ असार २०७८,काठमाडौं– राष्ट्रपति विद्यादेवी भण्डारीले कांग्रेस सभापति शेरबहादुर देउवालाई मंगलबार प्रधानमन्त्री नियुक्त गर्नुभएको छ ।
संवैधानिक इजलासको फैसला अनुसार राष्ट्रपतिले कांग्रेस संसदीय दलका नेता देउवालाई प्रधानमन्त्री पदमा नियुक्त गर्नुभएको राष्ट्रपति कार्यालयले जारी गरेको विज्ञप्तीमा उल्लेख छ ।
सर्वोच्च अदालतले सोमबार प्रतिनिधिसभा पुनर्स्थापना गर्दै देउवालाई प्रधानमन्त्री नियुक्त गर्न परमादेश जारी गरेको थियो ।नवनियुक्त प्रधानमन्त्रीको शपथ मंगलबार साँझ ६ बजे राष्ट्रपति कार्यालयमा तय भएको विज्ञप्तीमा उल्लेख्य गरिएकाे छ ।
