नेपालमा आज २४४५ संक्रमित, १२५८ निकाेः ३२ जनाकाे मृत्यु
४ साउन २०७८,काठमाडौं– नेपालमा पछिल्लाे समय काेराेना संक्रमण पुनः बढ्न थालेकाे छ । आज कोरोना संक्रमितभन्दा निको हुने संख्या आधामात्र रहेको छ ।
स्वास्थ्य तथा जनसंख्या मन्त्रालयका अनुसार देशभरका प्रयोगशालामा ११ हजार ६ सय ६४ जनाको गरिएको पीसीआर र एन्टीजेन परीक्षणमा २ हजार ४ सय ४५ जनामा संक्रमण पुष्टि भएको छ । सोही अवधिमा १ हजार २ सय ५८ जना संक्रमणमुक्त भएका छन् । नेपालमा कोरोना निको भएको दर ९४ दशमलव ७ प्रतिशत रहेको छ ।
स्वास्थ्य मन्त्रालयका अनुसार २४ घण्टामा ३२ जनाको मृत्यु भएको छ । हालसम्म कोरोनाबाट मृत्यु हुनेको संख्या ९ हजार ५ सय ८२ रहेको छ ।
