नेपालमा २ लाख २९ हजारले जिते काेराेना
२५ मंसीर २०७७, काठमाडौं– नेपालमा काेराेना संक्रमणबाट निकाे हुने दर बढ्दै गएकाे छ । २ लाख ४५ हजार ६ सय ५० संक्रमित पुग्दा २ लाख २९ हजार ५४ जनाले काेराेना माथि विजय प्राप्त गरेका छन् । देशभरी सक्रिय संक्रमितको संख्या हाल १२ हजार ३ सय ८६ छ भने ५ सय १५ जना क्वारेन्टाइनमा रहेका छन् । पछिल्लो २४ घण्टामा १२ सय १७ जनामा कोरोना सङ्क्रमण पृष्टि भएको छ ।
देशभरका विभिन्न प्रयोगशालामा जम्मा ७ हजार २ सय ३२ वटा पीसीआर परीक्षण हुँदा ४४३ महिला ७सय ७४ पुरुषमा कोरोना सङ्क्रमण पृष्टि भएको हो । स्वास्थ्य मन्त्रालयका अनुसार २४ घण्टामा १ हजार ६४ जना कोरोना संक्रमणमुक्त भएका छन् । नेपालमा योसँगै निको हुनेको २ लाख २९ हजार ५४ पुगेको छ ।
२४ घण्टामा कोरोना संक्रमणबाट १२ जनाको मृत्यु भएको छ । यो सँगै हालसम्म मृत्यु हुनेको संख्या १ हजार ६ सय ६३ पुगेको छ । हाल आईसीयुमा ३ सय ९ जना र भेन्टिलेटरमा ५७ जना उपचाररत छन् ।
