खुशीकाे खबर नेपालमा संक्रमित घट्दै निकाे हुने बढ्दै
२७ मंसीर २०७७, काठमाडौं– नेपालमा २४ घण्टामा १ हजार ३ सय ५९ जना डिस्चार्ज भएका छन् । यसैगरी थप ८ सय ९९ जनामा कोरोना संक्रमण पुष्टि भएको छ । पछिल्लाे समय संक्रमित भन्दा पनि निकाे हुनेकाे संख्या बढ्दै गएकाे छ ।
पछिल्लो २४ घण्टामा विभिन्न जिल्लाका प्रयोगशालाहरुमा गरिएको परीक्षणमा ८ सय ९९ जना संक्रमित भेटिएका स्वास्थ्य तथा जनसंख्या मन्त्रालयले जनाएको छ । देशभर ५ हजार २ सय ४२ वटा सी सी आर परिक्षण गर्दा ३४२ महिला र ५ सय ४७ पुरुषमा सङ्क्रमण पुष्टि भएको हो ।
नयाँ थपिएका संक्रमितसँगै नेपालमा कोरोना संक्रमितको संख्या २ लाख ४७ हजार ५ सय ९३ पुगेको छ । यससँगै हालसम्म निको हुनेहरुको संख्या २ लाख ३४ हजार २ सय ३१ पुगेको छ ।
सक्रिय संक्रमित ११ हजार ६ सय ७३ रहेका छन् । देशभर ५ सय १९ जना क्वारेन्टीनमा रहेका छन् । पछिल्लो २४ घण्टामा १५ जना व्यक्तिको कोभिड १९ संक्रमणका कारण मृत्यु भएको छ ।
हालसम्म कोभिड संक्रमणका कारण मृत्यु हुनेहरुको संख्या १ हजार ६ सय ८९ पुगेको छ । हाल २ सय ६२ जना आई सी यु मा र ४१ जनाको भेन्टिलेटरमा उपचार भइरहेको छ ।
