झापा गोल्ड कपमा सात दोवाटो सेमिफाइनलमा प्रवेश

२३ फाल्गुण २०७८, झापा– पाँचौँ संस्करणको झापा गोल्ड कपको आज भएको खेलमा सातदोबाटो युथ क्लबसेमिफाइनलमा प्रवेश गरेको छ । एपीएफ फुटबल क्लबलाई २–१ को गोल अन्तरले पराजित गर्दै सातदोबाटोले सेमिफाइनलमा प्रवेश गर्ने अवसर पाएको हो ।
बिर्तामोडस्थित डोमालाल राजवंशी रंगशालामा आज सोमबार भएको पहिलो क्वार्टर फाइनल खेलमा सातदोबाटोको जितका लागि खेलको ८२औँ मिनेटमा सुशील राईले गोल गरे । लगत्तै ८५औँ मिनेटमा नीरज चौधरीले सातदोबाटोको अग्रतालाई दोब्बर बनाउ सफल भए ।
तर, गोलपछि सम्हालिन नसक्दा एपिएफले गोल फर्कायो । एपिएफका लागि खेलको इन्ज्युरी समयमा दिपेश धिमालले सान्त्वना गोल फर्काउन सफल भएका छन् ।

जीतसँगै सातदोबाटो क्लब पाँचौँ संस्करणको नेपाल आइस झापा गोल्डकपको अन्तिम चारमा पुगेको छ । सातदोबाटोको जीतका लागि पहिलो गोल गर्ने सुशील राई सोमबारको खेलको म्यान अफ द म्याच भएका छन् । राईले नगद ९ हजार ९९९ रुपैयाँ प्राप्त गरेको छन् ।
भालि मंगलबारको अर्को क्वार्टर फाइनल खेल संकटा क्लब र थ्री स्टर क्लबबीच हुने आयोजक समितिका महासचिव गजेन्द्रबहादुर पौडेलले बताउनु भयो । संकटाले नेपाल पुलिस क्लबलाई पराजित गर्दै क्वार्टर फाइनलमा प्रवेश गरेको हो भने थ्री स्टार सोझै क्वार्टर फाइनलमा प्रवेश गरेको हो ।