नेपालमा आज ४५ संक्रमित, १४७ निकाे

७ चैत्र २०७८,काठमाडौं–नेपालमा तेस्राे भेरियन्ट यता अाज सवै भन्दा थाेरै संक्रमित देखा परेका छन् ।  गत २४ घण्टामा ४५ जनामा मात्र कोरोना भाइरस संक्रमण देखिएकाे छ । स्वास्थ्य तथा जनसंख्या मन्त्रालयका अनुसार ४ हजार ७ सय ५२ जनामा गरिएको नमूना परीक्षणमा ४५ जनामा संक्रमण पुष्टी भएको हो । यसैगरी पछिल्लाे २४ घण्टामा  १ सय  ४७ जना संक्रमणमुक्त भएका छन् । यस्तै पछिल्लाे २४ घण्टामा कसैले पनि काेराेना संक्रमणका कारण ज्यान गुमाउनु परेकाे छैन । विगत ५ दिन यता काेराेनाकै कारण कसैले पनि ज्यान गुमाउनु परेकाे छैन । हालसम्म काेराेनाका कारण नेपालमा मृत्यु हुनेकाे संख्या ११ हजार ९ सय ५० जना पुगेकाे छ । नेपालमा सक्रिय संक्रमितको संख्या ३ हजार १ सय ३५ जनामा झरेकाे छ । याे संख्या पछिल्लाे केही समय यता दिनहूँ घट्नेक्रममा रहेकाे छ ।