ओली लगाउनु भयो बुवाको हातको टिकाः बुवाले भन्नु भयाे निराेगी हुनु

१९ असोज २०७९/सारासन्देश समाचार
पूर्व प्रधानमन्त्री तथा नेकपा एमालेका अध्यक्ष केपी शर्मा ओलीले आज बुबाको हातबाट टिका ग्रहण गर्नु भएको छ । ९१ बर्षीय बुवा मोहन प्रसाद ओलीले यस बर्षको दशमीमा टिका लगाउँदै आर्शिवाद दिनु भएको छ । विगतका बर्षमा देशको प्रधानमन्त्री हुनु नाम उच्च बनाउनु भनेर आर्शिबाद दिने बुवा मोहनप्रसाद ओलीले यस पटकको टिकामा निरोगी बन्नु भनेर स्वास्थ्य लाभको कामना गर्नु भएको छ । टिका बुवा र उहाँको बढिआमा हरीमाया ओलीको हातबाट एकसाथ उत्तम साइत ११ बजेर ५१ मिनेटमा ग्रहण गर्नु भएको हो ।

दमक वडा नं. ९ स्थित निवासमा ओली र उहाँकी श्रीमति राधिका शाक्यले टिका ग्रहण गर्नु भएको हो । यस्तै ओलीले अन्य शुभचिन्तक, आफन्त तथा पार्टी कार्यकर्तालाई समेत टिका लगाइ आर्शिवाद दिनु भएको छ ।