१७ माघ २०७९/झापा
झापाको शिवसताक्षी–११ दूधेस्थित राष्ट्रिय रमणीय आदर्श माविको कक्षा– ७ का तीन छात्रले गाडी बनाएका छन् । कक्षा–७ का सन्देश बराल, निशान शंकर र प्रशन्न दवाडीले गाडी बनाएका हुन् । उनीले तयार पारेको गाडी विद्यालयको ५४ औँ वार्षिक उत्सवको अवसर पारेर मंगलबार परीक्षण गरिएको छ ।
शिवसताक्षी नगरपालिकाका नगरप्रमुख मेघाहाङ थोप्रालाई चढाएर परीक्षण गरिएको छ । विद्युतीय चार्जबाट चल्ने गाडी एक महिनामा तयार भएको निशान शंकरले बताउनु भयो । उक्त गाडी बनाउन झण्डै डेढ लाख खर्च भएको सन्देश बताउनु भयो ।

गाडीमा आठ सय वाटको डिसी मोटर, १२ भोल्टको चारवटा ब्याट्री, कन्ट्रलर राखेर बनाइएको प्रशन्न दवाडी बताउनुभयो । गाडी प्रतिघण्टा ३० किलोमिटरसम्म कुद्ने उहाँको भनाइ छ । परीक्षणपछि शिवसताक्षीका नगरप्रमुख मेघाहाङ थोप्राले यस्ता काम गर्ने विद्यार्थीका लागि नगरपालिकाले सहयोग गर्ने बताउनुभयो ।