न्वारानमा भोज खाएका २९ बिरामी
३१ जेष्ठ २०८० / झापा झापाको मेची नगर नगरपालिका-९ स्थित मागुरमाडीको एक घरमा न्वारानको भोज खाएका २९ बिरामी परेका छन् । मंगलबार स्थानीय गोविन्द श्रेष्ठकोमा नातीको न्वारानमा भोज खाएका अधिकांश स्थानीय बिरामी परेका हुन् । मेचीनगर-९ माथिल्लो मागुरमाडीका गोविन्द श्रेष्ठको नातिको न्वारानमा भोज खान गएका अधिकांश स्थानीयको स्वास्थ्यमा समस्या देखिएपछि अम्दा मेची अस्पताल भर्ना गरिएको हो ।
स्थानीयमा बान्ता हुने, ज्वरो आउने तथा पखाला चल्ने समस्या देखिएपछि अस्पताल भर्ना गरिएको अस्पतालका प्रमुख डा. पोषणरमण त्रिपाठीले जानकारी दिए । हाल अस्पतालमा २९ जनाको उपचार भइरहेको छ । भोजमा रहेको परिकारमा अखाद्य पदार्थ मिसावट हुँदा स्थानीय बिरामी भएको हुनसक्ने अस्पतालले जनाएको छ । उनीहरुलाई फुड पोइजनको लक्षण देखिएको डा.त्रिपाठीले बताए ।
