बेलडाँगी शरणार्थी शिविर भित्र अवैध मादक पदार्थ नष्ट

१२ मंसिर २०८०/सारासन्देश समाचार
झापाको भूटानी शरणार्थी बस्ती भित्र निषेध गरिएको मादकजन्य पदार्थ बरामद गरी आज सार्वजनिकरुपमा नष्ट गरिएको छ । चाडबाड लगायत अन्य समयमा शिविर भित्र प्रवेश गराइएको ८० लिटर घरेलु रक्सी र केही शिल्ड प्याक वियर समेत खाल्डोमा हालेर नष्ट गरिएको शिविर रेखदेख टीमका संयोजक आइतराज गुरुङ्गले बताउनु भयो ।

शिविरमा विक्री वितरण रोक लगाइएको भए पनि खाएर होहल्ला तथा झैझगडा बढेकाले मादक पदार्थको प्रयोग प्रयोजन र विक्री वितरण पूर्णरुपमा रोक लगाइएको टीमले जानकारी दिएको छ । शिविर सुरक्षार्थ खटिएको शसस्त्र प्रहरी वेलडाँगी बेश र बाघखोर प्रहरी चौकीलको सहयोगमा शिविर भित्र बरामद निषेधित मादक पदार्थ खोजी खोजी नष्ट गर्ने अभियान समेत चलाउँदै आइएको छ ।
शिविरमा झैंझगडा हुने काराण मध्ये एक मादक पदार्थको प्रयोग भएकाले यसलाई पूर्णरुपमा रोक र निषेध गर्न सवैले सहयोग गर्न गराउन शिविर सचिव सन्चहाङ्ग सुब्बाले आग्रह समेत गर्नु भएको छ ।