लापार्वाहीका कारण शरणार्थी महिलाको मृत्यु भएको आरोप
२३ फाल्गुन २०७७
झापाको दमक अस्पतालमा भर्ना गरिएको एक महिलाको लार्पावाहीको कारण गए राती मृत्यु भएको पीडित पक्षले दावी गरेका छन् । भूटानी शरणार्थी शिविर वेलडाँगी ३ वी २ घर नम्बर १६९ की ४१ बर्षीय दिलुमाया विश्वकर्माको मृत्यु भएको उहाँको श्रीमान् ईश्वर ओलीले बताउनु भयो ।
ओलीका अनुसार राम्रो अवस्थामा ल्याएको विरामी दक्ष डाक्टर विना स्वास्थ्य सहायकको भरमा राखेर समयमा उचित उपचार नपाएर विरामीको मृत्यु भएको बताउनु भयो ।
यता उपचारमा संलग्न स्वास्थ्य सहायकका अनुसार विरामीको अवस्था शुरुबाटै केही जटिल रहेको र रिफर पछि मृत्यु भएको बताएका छन् । विरामी ल्याउँदा शनिबार भएकोले मुख्य डाक्टर नभएकोले तत्काल स्वास्थ्य सहायक धर्म रिमाल र इन्दु आचार्यले उपचारमा रेखदेख गरेका थिए । उनीहरुले विरामी ल्याए पछि जाँच गर्दाको अवस्थामा प्रेशर ८०।४० रहेको बताइएको छ । महिलालाई शनिबार ४ बजे तिर भर्ना गरिएको थियो ।
भर्ना गरेर पनि विज्ञ डाक्टरको समयमा उपस्थिति नहुनु र विरामी सिरिय भए पछि तत्काल साढे सात बजे तिर दमककै एडभान्स अस्पताल लानेक्रममा मृत्यु भएको विरामीका आफन्तले बताएका छन् ।
सुगरकाे विरामी रहनु भएकी महिलाको हिजो ४ बजे दमकको सरकारी दमक अस्पतालको इमेरजेन्सीमा भर्ना गरिएको थियो । मृत्यु पछि अस्पतालमा शरणार्थी शिविर र दमक नगर पालिकाका जिम्मेवार प्रतिनिधिबीचको छलफलले दुवै पक्षलाई समेटेर छानविन समिति गठन गरी घटनाको सत्य तथ्य छानविन गरिने नगरपालिकाका मेयर रोमनाथ ओलीले बताउनु भयो ।
छानविनको नतिजा पछि सोही अनुसार आवश्यक कार्वाही गरिने सर्तमा मृतकको लाश आफन्तले बुझेका छन् ।
