नेपालमा आज ९४ जना संक्रमणमुक्त, ११४ संक्रमित
३ चैत्र २०७७,काठमाडौं– नेपालमा गत २४ घण्टामा ९४ जना संक्रमणमुक्त भएको मन्त्रालयले जनाएको छ । अहिलेसम्म संक्रमणमुक्त हुने २ लाख ७१ हजार ४ सय ९५ जना छन् । नेपालमा निको हुने दर ९८ दशमलव ६ प्रतिशत रहेको छ । यस्तै आज थप १ सय १४ जना कोरोना भाइरस संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार देशभरका प्रयोगशालामा २ हजार ७ सय ९० जनाको गरिएको पीसीआर परीक्षणमा १ सय १४ जनामा संक्रमण पुष्टि भएको हो ।
कोरोना संक्रमणबाट नेपालमा गत २४ घण्टामा कसैको पनि निधन भएन । हालसम्म कोरोनाबाट मृत्यु हुनेको संख्या ३०१४ रहेको छ ।
