नेपालमा आज ५५ निकाे, ९४ संक्रमित
४ चैत्र २०७७, काठमाडौं– नेपालमा गत २४ घण्टामा ५५ जना संक्रमणमुक्त भएको मन्त्रालयले जनाएको छ । अहिलेसम्म संक्रमणमुक्त हुने २ लाख ७१ हजार ५ सय ५० जना छन् । नेपालमा निको हुने दर ९८ दशमलव ६ प्रतिशत रहेको छ । यसैगरी आज थप ९४ जना कोरोना भाइरस संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार देशभरका प्रयोगशालामा २ हजार ७ सय ८१ जनाको गरिएको पीसीआर परीक्षणमा ९४ जनामा संक्रमण पुष्टि भएको हो ।
कोरोना संक्रमणबाट नेपालमा गत २४ घण्टामा कसैको पनि निधन नभएकाे मन्त्रालयले जनाएकाे छ। हालसम्म कोरोनाबाट मृत्यु हुनेको संख्या ३ हजार १४ पुगेकाे छ ।
