३ अर्व २६ करोडको चिया निर्यात
१९ साउन २०८१/झापा
गत बर्ष मेची भन्सार नाका हुँदै ३ अर्व १६ करोड ३८ लाख मुल्यको चिया निर्यात भएको छ । जुन आर्थिक बर्ष २०७९/०८० भन्दा २६ करोड ३१ लाख मुल्य कमी चिया निर्यात भएको छ ।
आर्थिक बर्ष २०७९/०८० मा १ करोड ६० लाख केजी निर्यात भएकोमा गत बर्ष १ करोड ३४ लाख केजी मात्र चिया निर्यात भएको छ । मुल्यका हिसावमा आर्थिक बर्ष २०७९/०८० मा ३ अर्व ४२ करोड मुल्यको चिया निर्यात भएको थियो । तर आर्थिक बर्ष २०८०/०८१ मा ३ अर्व १६ करोड मुल्यको चिया निर्यात भएको छ ।
अन्य कृषि जन्य बस्तुको आयात बढेको भए पनि गत बर्ष चिया र अलैंची निर्यातमा गिरावट आएको मेची भन्सार कार्यालयका सूचना अधिकारी भन्सार अधिकृत गणपति कडेलले जानकारी दिनु भयो ।
नेपालको चियाको हवको रुपमा रहेको झापा, इलाम र धनकुटामा उत्पादन हुने चिया मेची भन्सार हुँदै भारत, बंगालदेश र युरोपियन मुलुकसम्म जाने गरेको छ ।
