भर्खरै दमक २ मा दुघर्टनाः एक जना घाइते

१९ साउन २०८१/झापा
झापाको दमक वडा नं. २ मा अहिले साँझ दुघर्टना हुँदा एक जना घाइते भएका छन् । साँझ ७ बजे तिर दमकबाट मधुमल्ला जाँदै गरेको को १ ह ८३५१ नम्बरको अटो र मधुमल्लाबाट आउँदै गरेको मे १० प ५९९५ नम्बरको मोटर साईकल र एक आपसमा ठोकिन्दा मोटर साइकल चालक विनोद अधिकारी गम्भीर घाइते भएका छन् ।
दमक वडा नं. २ को कार्यालय नजिकै भएको दुघर्टनामा घाइते अधिकारीलाई वेहोस अवस्थाबाट उठाएर उपचारका लागि आम्दा अस्पताल पठाइएको छ । अधिकारीको अस्पतालमा उपचार भइरहेको इलाका प्रहरी कार्यालय दमकले जनाएको छ । घाइते अधिकारी मामा चौक नजिकै सागसब्जीको दोकान संचालन गर्दै आएको दमक वडा नं. २ का अध्यक्ष प्रजापति सापकोटाले बताउनु भयो । अटो चालक भने फरार रहेका छन् ।