नेपालमा आज ८२ निकाे हुँदा १४१ संक्रमित थपिए
१६ चैत्र २०७७, काठमाडौँ – पछिल्लो २४ घण्टामा नेपालमा २४ घण्टामा ८२ जना कोरोनाबाट मुक्त भएका छन् । हालसम्म २ लाख ७२ हजार ६ सय १२ जना संक्रमणमुक्त भएको मन्त्रालयको तथ्यांक छ । यस्तै आज १ सय ४१ जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालय अनुसार सोमबार थपिएका १ सय ४१ संक्रमितसँगै नेपालमा संक्रमितको संख्या २ लाख ७६ हजार ९ सय ८० पुगेको हो । पछिल्लो २४ घण्टामा ३ हजार १ सय २२ पीसीआर परीक्षण भएका छन् ।
यसैगरी नेपालमा कोरोनाबाट मृत्यु हुनेको संख्या ३ हजार २७ पुगेको छ । त्यस्तै १ हजार ३ सय ४१ जना आइसोलेसनमा र ५६ जना क्वारेन्टाइनमा रहेको मन्त्रालयले जनाएको छ ।
हालसम्म नेपालमा २२ लाख ६४ हजार २६८ पीसीआर परीक्षण भएका छन् ।
