प्रथम शिवसताक्षी रन २०८१ सम्पन्न
१ मंसिर २०८१/झापा
झापाको शिवसताक्षी नगरपालिकाले प्रथम शिवसताक्षी रन २०८१ सम्पन्न गरेको छ । आज भएको विभिन्न उमेर समूहको दौडमा ५ सय ५० जनाको सहभागी रहेको छ । १४ बर्ष मुनि उमेर समूहको केटा तर्फ लाक्पा शेर्पा प्रथम र केटी तर्फ जुही राई प्रथम हुनु भएको छ ।
यस्तै भेट्रान्ड पुरुष तर्फ अभिनारायण अधिकारी र महिला तर्फ जमुना लिम्बु प्रथम हुनु भएको छ । यस्तै खुल्ला पुरुष तर्फ करण रावल र महिला तर्फ इन्द्रकला नेम्बाङ प्रथम हुनु भएको छ ।
फेस नेपालको आयोजना तथा नगरपालिकाको सहयोगमा भएको कार्याक्रममा प्रथम, द्वितीय, तृतीय र चौथो हुनेलाई नगद पुरस्कार कार्याक्रमका प्रमुख अतिथि नगर प्रमुख रोशन मेघाहाङ थोप्राले प्रदान गर्नु भएको छ ।
विजेताहरुले क्रमश नगद १५, १०, ७ हजार र चौथो स्थान लिनेले १ हजार ५ सय नगद सहित मेडल, प्रमाण पत्र प्राप्त गरेका छन् । दौड कन्काई पुल देखि शिवसतासीसम्म गरिएको छ । खुल्ला पुरुषको १० किलो मिटर दौड क्षेत्र निर्धारण गरिएको थियो भने अन्यको हकमा ५ किलो मिटर तय गरिएको आयोजक फेस नेपालका सभाध्यक्ष कविराज चाम्लिङ राईले बताउनु भयो ।
कार्याक्रममा जिल्ला प्रहरी ट्राफिक कार्यालय झापाका पमुख गणेश पौडल, उदय प्रकाश राई लगायतले खेलाडीको सम्मानमा शुभकामना मन्तव्य राख्नु भएको छ । कार्याक्रममा शिवसताक्षी नगरपालिकाका समाजसेवी आयोजक संस्थका सल्लाहकार दुर्गा नेम्बाङलाई सम्मान समेत गरिएको छ । यस्तै पहिलो, दोस्रो, तेस्रो, चौथो र सान्तवना हुने सहित २७ जनालाई पुरस्कार प्रदान गरिएको छ ।
