नेपालमा आज ९४८३ संक्रमित,५२२५ निकाे ७९ काे मृत्यु
२८ वैशाख २०७८, काठमाडौं– नेपालमा संक्रमित र निकाे हुने दुवै संख्या दिनानु दिन बढ्न थालेकाे छ । कोरोना संक्रमण र मृत्युमा आज पनि नयाँ रेकर्ड कायम भएको छ । स्वास्थ्य तथा जनसंख्या मन्त्रालयका अनुसार २१ हजार ३ सय १६ जनाको पीसीआर र एन्टिजेन परीक्षणमा ९ हजार ४ सय ८३ संक्रमित भएका छन् ।
२४ घण्टामा ७९ जनाको मृत्यु भएको छ । तर, नेपाली सेनाद्वारा विभिन्न मितिमा शव व्यवस्थापन गरेको रेकर्ड समेत गर्दा एकै दिन २ सय २५ जनाको मृत्यु संख्या थप भएको स्वास्थ्य मन्त्रालयले जानकारी दिएकाे छ । हालसम्म मृत्यु हुनेको संख्या ४ हजार ८४ रहेको पुगेकाे छ ।
यसैगरी निकाे हुने दर समेत बढेकाे छ । गत २४ घण्टामा ५ हजार २ सय २५ जना डिस्चार्ज भएका छन् ।
