नेपालमा आज २५५२ निको, १६०३ संक्रमित
२० असार २०७८, काठमाडौँ — नेपालमा पछिल्लो समय २४ घण्टामा २ हजार ५ सय ५२ जना कोरोना संक्रमणमुक्त भएका छन् । योसँगै कोरोना संक्रमण भइ निको हुनेको संख्या ६ लाख ९ हजार २ सय १८ पुगेको छ । यसैगरी २४ घण्टामा देशभर १ हजार ४२ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार आइतबार विभिन्न जिल्लामा गरिएको ४ हजाार ८ सय ७६ पीसीआर परीक्षणमा १ हजार ४२ जनामा कोरोना पुष्टि भएको हो ।
यसैगरी, ३ हजार २ सय ५६ एन्टिजेन परीक्षणमा ५ सय ६१ जनामा कोरोना संक्रमण देखिएको छ । पीसीआर र एन्टिजेन परीक्षणबाट कुल १ हजार ६ सय ३ जनामा संक्रमण पुष्टि भएको मन्त्रालयले जनाएको छ । योसँगै नेपालमा पीसीआर परीक्षणमा कोरोना देखिनेको संख्या ६ लाख ४४ हजार ६२२ पुगेको छ ।
यस्तै, मन्त्रालयले दिएको जानकारी अनुसार देशभर गरी थप २७ जनाको मृत्यु भएको छ । योसँगै नेपालमा कोरोनाबाट मृत्यु हुनेको संख्या ९ हजार २ सय २५ पुगेको छ ।
