२ हजार ८ सय ५३ संक्रमित थपिए, १७ काे मृत्यु
२२ कार्तिक २०७७, काठमाडौं– झण्डै २ साता देखि संक्रमित भन्दा निकाे हुनेकाे संख्या बढिरहेकाे बेला पछिल्लाे २४ घण्टामा भने नेपालमा कोरोना भाइरसबाट संक्रमित हुनेकाे संख्या बढेकाे छ । पछिल्लाे २४ घण्टामा थप २ हजार ७ सय ५३ जना संक्रमित भएका छन् ।
स्वास्थ्य तथा जनसंख्या मन्त्रालयका अनुसार देशभर १० हजार ४ सय २३ जनाको पीसीआर परीक्षण गर्दा १ हजार ७७ महिला र १ हजार ६ सय ७६ पुरुष गरी २ हजार ७ सय ५३ जना संक्रमित भएका हुन् ।
तर यता गत २४ घण्टामा २ हजार २ सय ६ जना डिस्चार्ज भएका छन् । हालसम्म १ लाख ५५ हजार १ सय १४ जना निको भएका छन् । नेपालमा निको हुने दर ८१ प्रतिशत रहेको छ ।
कुल संक्रमितमध्ये ३५ हजार ४ सय ३५ सक्रिय संक्रमित रहेको मन्त्रालयले जनाएको छ ।
नेपालमा थप १७ जनाको कोरोना संक्रमणबाट मृत्यु भएको छ । जम्मा मृत्यु हुने १०८७ जना पुगेका छन् ।नेपालमा अहिलेसम्म १५ लाख २७ हजार ७ सय ६६ जनाको पीसीआर परीक्षण हुँदा १ लाख ९१ हजार ६ सय ३६ जनामा पोजिटिभ देखिएको छ ।
