गएकाे २४ घण्टामा २ हजार ५ सय ७१ जनामा संक्रमण
थप १८ जनाकाे मृत्यु, ८१ प्रतिशत निकाे
२४ कार्तिक २०७७,काठमाडौं– नेपालमा गत २४ घण्टामा २ हजार ५ सय ७१ जनामा कोरोना भाइरस संक्रमण पुष्टि भएको छ भने १ हजार ७ सय ९८ जना डिस्चार्ज भएका छन् । नेपालमा कोरोना निको हुने दर ८१ प्रतिशत रहेको छ ।
११ हजार १ सय ७७ जनाको पीसीआर परीक्षण गर्दा १ हजार ५१ महिला र १ हजार ५ सय २० जना पुरुष गरी २ हजार ५ सय ७१ जना संक्रमित भएका हुन् । यस्तै प्रदेश नम्बर एकमा पछिल्लाे २४ घण्टामा १ सय ४४ महिला सहित ३ सय ६४ जना नयाँ संक्रमित थपिएका छन् । जसमध्ये सवै भन्दा धेरै माेरङमा १ सय ६२ जना थपिएका छन् ।
गत २४ घण्टामा १८ जनाको मृत्यु भएको छ । आजसम्म मृत्यु हुनेको संख्या १ हजार १ सय २६ पुगेको छ ।
