नेपालमा आज १६७७ संक्रमित, २०७२ निकाेः २१ काे मृत्यु

२२ भदाै २०७८, काठमाडौं- पछिल्लो २४ घण्टामा देशभर थप १ हजार ६ सय ७७ जनामा कोरोना संक्रमण पुष्टि भएको छ । ११ हजार १ सय ११ जनामा गरिएको पीसीआर परीक्षणमा १ हजार ४ सय २३ जना र ३ हजार ९ सय २३ जनामा गरिएको एन्टिजेन परीक्षणमा २५४ जना गरी १ हजार ६ सय ७७ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । नेपालमा कोरोना संक्रमितको कुल संख्या ७ लाख ७२ हजार १८२ पुगेको छ ।

पछिल्लो २४ घण्टामा कोरोना संक्रमणका कारण २१ जनाको मृत्यु भएको छ । यस्तै २ हजार ७२ जना संक्रमणमुक्त भएका छन् । मन्त्रालयका अनुसार हाल देशभर सक्रिय संक्रमितको संख्या ३० हजार ३०३ जना रहेका छन् । जसमध्ये ५१४ जना आईसीयू र १५४ जना भेन्टिलेटरमा उपचाररत् छन् ।