नेपालमा आज १७६० संक्रमित,१२२० डिस्चार्जः ९ जनाकाे मृत्यु
३० भदाै २०७८, काठमाडौँ – पछिल्लो २४ घण्टामा १ हजार ७ सय ६० जनामा कोरोना भाइरस संक्रमण पुष्टि भएको छ । पीसीआर विधिबाट भएको १२ हजार ५ सय २४ नमुना परीक्षणबाट १ हजार ३३२ जना संक्रमित भएको स्वास्थ्य तथा जनसंख्या मन्त्रालयले जनाएको छ ।यस्तै एन्टिजेन विधिबाट गरिएको ४ हजार ३२० जनाको परीक्षणमा ४२८ जनामा पोजिटिभ देखिएको छ ।
मन्त्रालयका अनुसार पीसीआर र एन्टिजेन विधिबाट गरिएको कुल १६ हजार ८४४ परीक्षणमा १ हजार ७६० जनामा संक्रमण देखिएको छ । जसमध्ये उपत्यकामा ४९७ जना रहेका छन् । काठमाडौंमा ३६०, ललितपुरमा ७२ र भक्तपुरमा ६३ जना संक्रमित थपिएका छन् । यस्तै २४ घण्टामा १ हजार २ सय २० जना डिस्चार्ज भएका छन् । यस्तै विगत २४ घण्टामा थप ९ जनाको मृत्यु भएको छ । याे सँगै नेपालम मृत्यु हुनेकाे संख्या १० हजार ९ सय ९१ जना पुगेका छन् ।
