झापामा बगाएर दुईको मृत्यु

४ असाेज २०७८,काँकडभिट्टा – झापामा मेची खोलाले बगाएर एकजनाको मृत्यु भएको छ । शनिबार राति १ बजे भारतबाट सामान बोकेर खोला तर्ने क्रममा ३५ वर्षीय कमला राजवंशीको मृत्यु भएको इलाका प्रहरी कार्यालय काँकडभिट्टाका डीएसपी सुनिल दाहालले जानकारी दिए । कमलाको शव आइतबार बिहान अनन्तराम जोत स्थित मेची खोलाको भारतीय भू-भागतर्फ पर्ने नदी किनारमा भेटिएको जिल्ला प्रहरी कार्यालय झापाले जानकारी दिएकाे छ ।

यस्तै ३ दिन अघि जिल्लाकाे सवै भन्दा ठूलाे कन्नकाइ नदिकाे नहरमा डुवेर मृत अवस्था अर्का एक पुरूषकाे लाश फेला परेकाे छ ।  इलाका प्रहरी कार्यालय झिलझिलेका अनुसार शिवसताक्षी नगरपालिका वडा नम्बर ६ का ३८ वर्षीय अच्युत नेपालको नहरमा डुबेर मृत्यु भएको हो ।  शव बुधबार ५ बजेतिरस्थित कन्काई नहरको साइफनमा फेला परेको जिल्ला प्रहरी कार्यालय झापाले जनाएको छ ।