धामी भएकाे भन्दै इलाममा एक व्यक्तिले गरे श्रीमति र छाेरीकाे टाेकेर हत्या

९ कार्तिक २०७८,इलाम– इलाम देउमाई नगरपालिकामा एक व्यक्तिले गएराति आफ्नै पत्नी र छोरीको टोकेर हत्या गरेका छन् । देउमाई नगरपालिका–५ बारुङका ३३ वर्षे कमल भनिने पूर्णचन्द्र तामाङले पत्नी ३४ वर्षीया सीता तामाङ र छोरी १५ वर्षीया शिक्षा तामाङको हत्या गरेको जिल्ला प्रहरी कार्यालय इलामका प्रमु्ख प्रहरी उपिरक्षक महेन्द्रकुमार श्रेष्ठले जानकारी दिनु भएकाे छ । प्रहरीका अनुसार आफू धामी भएको भन्दै चिन्ता बस्ने क्रममा पत्नी र छोरीको टोकेर हत्या गरिएको जिल्ला प्रहरी प्रमुख श्रेष्ठले बताउनु भयाे ।
तामाङले घरमा पालेकाे कुकुरकाे समेत हत्या गरेकाे बताइएकाे छ । घटना भएकाे जिल्ला प्रहरी कार्यालय देखि झण्डै ८ किलाेमिटर टाढा रहेकाे बताइएकाे छ ।