आयोजकलाई हराउँदै तुर्केनी काँकडभिट्टा फुटवल क्लव विजयी
१४ मंसीर २०७८/झापा, सारासन्देश समाचार
झापाको शिवसताक्षीमा जारी प्रथम एनी फाक्तेप गोल्डकप २०७८ अन्तर्गत आज भएको खेलमा तुर्केनी फुटबल क्लब काँकडभिटा विजयी भएको छ । तुर्केनी फुटबल क्लबले आयोजक फाक्तेप फुटबल क्लबलाई १ को विरुद्ध २ गोल गर्दै सेमिफाइनल प्रवेश गरेको हो ।
खेलको ११ औं मिनेटमा काँकडभिटाका जर्सी नं. ६ का इन्द्रजंग लिम्बुले गोलको खाता खोलेका थिए । त्यस पछि आयोजकका तर्फबाट ३२ औं मिनेटमा रजिन माझीको पास मनिश लिम्बुले सदुपयोग गर्दै गोल गरी खेललाई बराबरीमा ल्याएका थिए । प्रतिस्पर्धात्मकरुपमा भएको खेलमा दोस्रो हाफको ६७ औं मिनेटमा काँकडभिटाका विकेश लिम्बुले गोल गर्दै विजय सुनिश्चित गरेका थिए ।
खेलको म्यान अफ द म्याच विजेता टिमका निर्णायक गोलकर्ता विकेश लिम्बु घोषित भएका छन् । भोलि धरानसीटी र पथरीबीच पहिलो सेमी फाइनलको खेल हुने आयोजक फाक्तेप फुटवल क्लवका खेल प्रचारप्रसार संयोजक गोविन्द ल्वागुनले बतानउनु भयो ।
