गाँजा सहित एक जना पक्राऊ

१० पौष २०७८/सारासन्देश समाचार
झापाको दमकबाट आज एक जना मानिस ८ केजी लागु औषध गाँजा सहित पक्राउ परेका छन् । आज विहान दमक वडा नं. १ रतुवा खोलामा अस्थायी प्रहरी पोष्ट फाल्गुनन्दबाट खटिएको टोलीले शंका गरी खानतलासी गर्दा ८ केजी १ सय ६० ग्राम गाँजा फेला पारेको हो । पक्राउ पर्नेमा इलाम जिल्लाको माङसेबुङ गाउँपालिका वडा नं. ६ घर भएका ४६ बर्षीय विरकुमार राई रहेको जिल्ला प्रहरी कार्यालय झापाले जानकारी दिएको छ । राईलाई जिल्ला अदालतबाट म्याद थप गरी इलाका प्रहरी कार्यालय दमकमा राखेर अनुसन्धान थालिएको प्रहरी कार्यालयले जानकारी दिएको छ ।