एउटै मोटरसाईकलमा झापाकाे दमकमा ३ युवाको मृत्यु

१४ पौष २०७८,सारासन्देश समाचार

झापाको दमक वडा नं. २ मा गए राती मोटरसाईकल दुर्घटना हुँदा ३ जना यूवाको घटना स्थलमै मृत्यु भएको छ । विभिन्न जिल्लामा घर दमक १ पाथिभरा ज्वलर्स एण्ड सप्लायर्स पसलमा काम गर्दै आएका ३ जनाको दमक वडा नं. २ तितीरी चौकमा उत्तरबाट दमक बजार आउनेक्रममा प्रदेश नं. १–०२–४३ प ६९२६ नम्बरको २२० सीसीको पल्सर बाइक आफै अनिन्त्रित भइ रुखमा ठोकिन्दा घटना स्थलमै मृत्यु भएको इलाका प्रहरी कार्यालय दमकले जानकारी दिएको छ । सप्लायर्सका संचालक मनप्रसाद गदाइलीका अनुसार उनीहरु हिजो साँझ दमक फनपार्क घुम्न गएको र फनपार्क बन्द भएकाले फर्कनेक्रममा दघुर्टना भएको बताइएको छ ।

मृत्यु हुनेको जिल्ला चितवन राप्ती नगरपालिका वडा नं. ४ बस्ने बर्ष १९ को किसन विक, खोटाङ्ग जिल्लाको चिसापानी घर हुने बर्ष २३ को अमिन विक, जिल्ला ताप्लेजुङ्ग नाङखोल्याङ्ग गाउँपालिका वडा नं. ३ का १९ बर्षीय अनिल विक रहेको प्रहरीले जानकारी दिएको छ । हाल मृतकका लाश दमक अस्पतालमा पोष्टमार्टमका लागि लगिएको बताइएको छ । मोटरसाइकल मृतक अमिनले चलाएको र उनकै रहेको आफन्तले जानकारी दिएका छन् । उनीहरुकाे दमकमा खुलेको नयाँ फनपार्क गएर फर्कनेक्रममा राती साढे १० बजे दुघर्टना भएको प्रहरीले जानकारी दिएकाे छ ।