नेपालमा आज १३८६ संक्रमित, ८७०४ निकाेः ११ जनाकाे मृत्यु
२३ माघ २०७८,काठमाडौं– नेपालमा केही दिन यता संक्रमित भन्दा निकाे हुनेकाे संख्या बढ्न थालेकाे छ । नेपालमा गत २४ घण्टामा १ हजार ३ सय ८६ जनामा कोरोना भाइरस संक्रमण थपिएका छन् । स्वास्थ्य तथा जनसंख्या मन्त्रालयका अनुसार ९ हजार २ सय ५१ जनामा गरिएको नमूना परीक्षणमा १ हजर ३ सय ८६ जनामा संक्रमण पुष्ट भएको हो । यसैगरी पछिल्लाे २४ घण्टामा ८ हजार ७ सय ४ जन संक्रमणमुक्त भएका छन् । यस्तै पछिल्लाे २४ घण्टामा ११ जनाको मृत्यु भएको छ । याेसँगै नेपालमा हालसम्म काेराेनाका कारण मृत्यु हुनेकाे संख्या ११ हजार ८ सय १४ जना पुगेकाे छ । नेपालमा सक्रिय संक्रमितको संख्या ४५ हजार २ सय ४८ जनामा झरेकाे छ ।
