नेपालमा आज १५५ संक्रमित,५४० निकाेः २ जनाकाे मृत्यु

१४ फाल्गुन २०७८,काठमाडौं– नेपालमा केही दिन यता संक्रमणकाे संख्या घट्न थालेकाे छ । नेपालमा गत २४ घण्टामा १ सय ५५ जनामा कोरोना भाइरस संक्रमण थपिएका छन् । स्वास्थ्य तथा जनसंख्या मन्त्रालयका अनुसार ५ हजार १ सय ५२ जनामा गरिएको नमूना परीक्षणमा १ सय ५५ जनामा संक्रमण पुष्टी भएको हो । यसैगरी पछिल्लाे २४ घण्टामा  ५ सय ४० जना संक्रमणमुक्त भएका छन् । यस्तै पछिल्लाे २४ घण्टामा २ जनाको मृत्यु भएको छ । याेसँगै नेपालमा हालसम्म काेराेनाका कारण मृत्यु हुनेकाे संख्या ११ हजार ९ सय ३४ जना पुगेकाे छ । नेपालमा सक्रिय संक्रमितको संख्या ८ हजार ८ सय ३९ जनामा झरेकाे छ ।