शसस्त्र प्रहरी पकली विजयी (फाेटाे फिचर सहित)
२६ फाल्गुण २०७८/झापा
झापाको कमल गाउँपालिकामा जारी प्रदेश स्तरीय प्रथम अध्यक्ष फुटवल कपको दोस्रो दिनको खेलमा शसस्त्र प्रहरी पकली सुनसरीले विजय हात पारेको छ । आज भएको खेलमा धनकुटा फुटवल क्लव धनकुटालाई शून्यको विरुद्ध ५ गोल गर्दै शसस्त्र प्रहरीले विजय हात पारेको हो । शसस्त्र प्रहरीको तर्फबाट खेलको १४ औं मिनेटमा शसस्त्र प्रहरीका १७ नम्बर जर्सीका खेलाडी तपन कार्कीले पहिलो गोल गर्न सफल भएका छन् ।
पहिलो हाफ अघि १ गोल मात्र गरेको शसस्त्रले हाफ टाइम पछि लगातार ४ गोल गर्न सफल भयो । विजयी टीमका तर्फबाट रोमन भूजेलले २ गोल, तपन कार्कीले पुन १ गोल र शैलेन्द्र राईले इन्जुरी समयमा पुन १ गोल गर्दै ०–५ अन्तरमा विजयी बन्न पुग्यो ।
भोलि चारतारे फुटवल क्लव मोरङ्ग र रेडहर्स फुटवल क्लव इलामबीच खेल हुने आयोजक समितिले जानकारी दिएको छ ।
कमल गाउँपालिका खेलकुद विकास समितिको आयोजनामा भएको खेलमा झापा, मोरङ्ग, सुनसरी, इलाम, धनकुटा र झापाका ८ वटा टीमको सहभागिता रहेको छ । खेलमा विजयी टिमले २ लाख र उपविजेता टिमले १ लाख नगद सहित ट्रफी र मेडल प्राप्त गर्ने खेल संयोजक तेजकुमार राईले बताउनु भयो ।
