झापा गाेल्डकपकाे फाइनलमा घरेलु टीम झापा ११ प्रवेश

२८  फागुन २०७८,झापा– झापाकाे विर्तामाेडमा जारी झापा गोल्डकपको आज भएकाे खेलमा घरेलु टोली झापा ११  फाइनलमा प्रवेश गरेको छ ।  खेलमा संकटा क्लबलाई २–० अन्तरले हराउँदै झापाले फाइनलको यात्रा तय गरेको हो ।
झापाको जितका लागि विमल घर्ती मगरले २ गोल गर्न सफल भएका छन् । । उहाँले खेलको १६औँ र ५८औँ मिनेटमा गोल गर्नु भयाे ।  झापा गोल्डकपको फाइनलमा आर्मी र घरेलु टोली झापाको यो चौथो भेट हो । यसअघिको फाइनलम भएका तीनवटै भेटमा आर्मीले जित निकालेको छ ।

आज भएकाे खेलको प्लेयर अफ दि म्याच विजयी टोली झापाका विमल घर्ती मगर घोषित भएका छ्न्  । उहाँले नगद ९ हजार ९९९ पाउनु भएकाे छ । फागुन २१ गतेदेखि सुरु भएको प्रतियोगिताको फाइनल पर्सी सोमबार हुनेछ । गोल्डकपको विजेताले विजेताले १२ लाख ५५ हजार र उपविजेताले ६ लाख पाँच हजार रुपैयाँ नगद प्राप्त गर्ने आयोजकका महासचिव गजेन्द्रबहादुर पौडेलले बताउनु भयाे ।

प्रतियोगिताको सर्वोत्कृष्ट खेलाडीले एक थान मोटरसाइकल पाउने छन् । उत्कृष्ट गोलकिपर, उत्कृष्ट डिफेन्डर, उत्कृष्ट मिडफिल्डर र उत्कृष्ट प्रशिक्षकलाई नगर २१ हजार रुपैयाँ दिइने आयोजकले जनाएको छ । प्रतियोगिताको सर्वाधिक गोलकर्ताले नगद २५ हजार पाउनेछन् ।