आज नेपालमा ७३९ डिस्चार्ज ६१३ संक्रमित
९ पाैष २०७७, काठमाडौं– नेपालमा गत २४ घण्टामा ७ सय ३९ जना संक्रमणमुक्त भएको मन्त्रालयले जनाएको छ । अहिलेसम्म संक्रमणमुक्त हुने २ लाख ४७ हजार ४ सय जना छन् । नेपालमा निको हुने दर ९६ दशमलव ४ प्रतिशत रहेको छ । यस्तै आज थप ६ सय १३ जना कोरोना भाइरस संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार देशभरका प्रयोगशालामा ५ हजार ५ सय १० जनाको पीसीआर परीक्षणमा ६ सय १३ जनामा संक्रमण पुष्टि भएको हो ।
यस्तै नेपालमा गत २४ घण्टामा कोरोना संक्रमणबाट थप ५ जनाको मृत्यु भएको छ । अहिलेसम्म मृत्यु हुनेको संख्या १ हजार ८ सय ८ रहेको छ ।
