आज थप ६५९ जना संक्रमित, ७३१ डिस्चार्ज
१३ पाैष २०७७, काठमाडौं– नेपालमा आज थप ६ सय ५९ जना कोरोना भाइरस संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार देशभरका प्रयोगशालामा ४ हजार १ सय ४२ जनाको पीसीआर परीक्षणमा ६५९ जनामा संक्रमण पुष्टि भएको हो ।
गत २४ घण्टामा ७३१ जना संक्रमणमुक्त भएको मन्त्रालयले जनाएको छ । अहिलेसम्म संक्रमणमुक्त हुने २ लाख ४९ हजार ८ सय ६३ जना छन् । नेपालमा निको हुने दर ९६ दशमलव ८ प्रतिशत रहेको छ ।
कोरोना संक्रमणबाट थप ६ जनाको मृत्यु भएको छ । अहिलेसम्म मृत्यु हुनेको संख्या १ हजार ८ सय २५ रहेको छ ।
