१८ वैशाख २०७९,काठमाडौं– नेपालमा पछिल्लाे २४ घण्टामा २० जनामा मात्र कोरोना भाइरस संक्रमण देखिएको छ । स्वास्थ्य तथा जनसंख्या मन्त्रालयका अनुसार ३ हजार २ सय २२ जनामा गरिएको नमूना परीक्षणमा २० जनामा संक्रमण पुष्टी भएको हो । यसैगरी पछिल्लो २४ घण्टामा २७ जना संक्रमणमुक्त भएका छन् । यस्तै पछिल्लो एक महिना यता काेराेनाकै कारण कसैले पनि ज्यान गुमाउनु परेको छैन । नेपालमा सक्रिय संक्रमितको संख्या २ सय २१ जनामा झरेको छ ।
