केपी शर्मा ओलीको निर्वाचन क्षेत्रमा नेकपा एसकाे विजय शुरूवात
१ जेठ २०७९,झापा– नेकपा एमालेका अध्यक्ष केपी शर्मा ओलीको निर्वाचन क्षेत्रबाट नेकपा (एकीकृत समाजवादी)ले खाता खोलेको छ । कांग्रेस र माओवादी गठबन्धन बनाएर चुनावी मैदानमा उत्रिएका कमल गाउँपालिका-२ मा एकीकृत समाजवादीका अशोक सुब्बा वडा अध्यक्षमा निर्वाचित भएका छन् ।
अध्यक्षा सुब्बा सहित वडामा एकीकृत समाजवादीले पुरै प्यानल जितेको छ । सुब्बाले एमालेका धनबहादुर बस्नेतलाई ८ सय ३० मतान्तरले हराएका छन् । लिम्बूले १ हजार ८ सय ६० र बस्नेतले १ हजार ३४ मत ल्याएका छन्। त्यस्तै, वडा सदस्यहरूमा एकीकृत समाजवादीका भीमबहादुर कार्की, महेन्द्र खत्री, सोममाया नेपाली, कल्पना राई निर्वाचित भएका छन् । कमलमा यस अघि एमालेले विजय हासिल गरेकाे थियाे ।
