११ जेष्ठ २०७९, सारासन्देश समाचार
पूर्व पश्चिम राजमार्ग अन्तर्गत झापाको शिवसताक्षी–धरमपुर खण्डमा यात्रु बहाक बसको ठक्करबाट एक जना प्रहरी सहित दुई जनाको मृत्यु भएको छ ।
इलाका प्रहरी कार्यालय झिलझिलेले दिएको जानकारी अनुसार मृत्यु हुनेमा मोरङ पथरीशनिश्चरे ८ का ३० बर्षिय प्रकाश राई र भोजपुर षडानन्द नगरपालिकाका वडा नं. ८ का २५ बर्षीय टिचुहाङ राई रहेका छन ।
आज बिहान को १ ख ७१८७ नम्बरको झुल्केदेवी यातायातको वाहक बसले प्र. १ – ०२–०४० प ७१४९ नम्बरको मोटरसाइकलमा सवार उनीहरुलाई ठक्कर दिँदा उनीहरुको घटनास्थलमै मृत्यु भएको हो ।
उनीहरु मध्ये एक जना प्रहरी जवान भएको र एक जना भर्खरै स्थानीय निर्वाचनमा खटिएका म्यादी प्रहरी भएका बताइएको छ । बस चालक उर्लाबारी नगरपालिका वडा नं. २ बस्ने ४५ बर्षीय टेकबहादुर पुरी झिलझिले प्रहरी कार्यालयले नियन्त्रणमा लिएको छ ।