आगलागीमा परी झापाकाे सिमलडाँगीमा ६ घर जलेर नष्ट
४ साउन २०७९/सारासन्देश समाचार
झापाको झापा गाउँपालिका वडा नं. ५ को एक बस्तीमा आगलागी हुँदा ६ वटा घर जलेर नष्ट भएको छ । सिमलडाँगी भन्ने गाऊँमा आज विहान ४ बजे तिर करिम अलिको घरको विधुत मिटर सर्ट भई आगलागी भएको जिल्ला प्रहरी कार्यलय झापाले जानकारी दिएको छ ।
बाक्लो बस्ती रहेको गाऊँमा नजिककै रहेका अन्य ५ वटा घर समेत जलेर पूर्णरुपमा खरानी बनेका छन् । यस्तै आगलागीमा परेर अव्दुल जुलास अली, अमुल अली, अनावर अली, स्माइल अली र सामेद अलीकोको घर जलेको छ । आगलागीमा मानवीय क्षति नभए पनि घर र घर भित्र भएका लत्ता, कपडा र खाद्यन्यहरु पूर्णरुपमा जलेर नष्ट हुँदा ६ अग्नी पीडितहरु विचल्नीमा परेका छन् ।
बाँस र टिनको बाँक्लो बस्तीमा एउटा घरमा आगलागी हुँदा अन्य सवै घर जलेको जिल्ला प्रहरी कार्यालय झापाका सूचना अधिकारी तथा प्रहरी नायब उपरिक्षक बसन्त पाठकले जानकारी दिनु भयो । आगलागी परी २० लाख मुल्य बराबरको धनमाल नष्ट भएको जिल्ला प्रहरी कार्यालय झापाले जानकारी दिएको छ ।
