भारतबाट ल्याइएका अवैध चिनी बरामद

१९ भदौ २०७९/सारासन्देश समाचार
चाडबाढ नजिकिएसँगै अवैधरुपमा भारतबाट घरायसी प्रयोजनमा प्रयोग हुने सामानहरु भित्रनेक्रम बढेको छ । यसैक्रममा झापाको दक्षिणी सिमा बाह्रदशी गाउँपालिका वडा नं. ३ क्षेत्रबाट अवैधरुपमा भारतबाट ल्याइएका ४० बोरा चिनी आज बरामद गरिएको छ । इलाका प्रहरी कार्यालय राजगढबाट खटिएको गस्ती टोलीले फेला पारी १ लाख ३० हजार मुल्यको चिनी बरामद गरेको जिल्ला प्रहरी कार्यालय झापाले जनाएको छ ।
बरामद गरिएको चिनी थप अनुसन्धान र कार्वाहीका लागि भद्रपुर भन्सार कार्यालयमा बुझाइएको छ । यस अघि पनि गौरीगंज गाउँपालिका वडा नं. ५ मा भारतबाट ल्याइ लुकाएर राखेको ग्वाली घरबाट ३१ बोरो चिनी इलाका प्रहरी कार्यालय गौरीगंजले बरामद गरेको थियो ।