नेपालमा आज ७४ जनामा सङ्क्रमण पुष्टि

८ असाेज २०७९,काठमाडौं- नेपालमा पछिल्लो समय कोरोना सङ्क्रमण विस्तारै ओरालो लाग्न थालेको छ । मन्त्रालयका अनुसार आज ७४ जनामा सङ्क्रमण पुष्टि भएको छ । ४ हजार १ सय २६ नमूनाको परीक्षण गर्दा सो सङ्ख्यामा सङ्क्रमण पुष्टि भएको मन्त्रालयले जनाएको छ । यसैगरी पछिल्लाे २४ घण्टामा १ सय १६ जन सङ्क्रमणमुक्त भएका छन् । यसैगरी देशभर काेराेना संक्रमितकाे संख्या १ हजार २ सय ८३ जना रहेकाे छ । पछिल्लाे २४ घण्टामा एक जनाकाे ज्यान गएकाे छ । नेपालमा हालसम्म १२ हजार १७ जनाले ज्यान गुमाइसकेका छन् ।