जसपा र एमालेबीच चुनावी तालमेल
२२ असाेज २०७९,काठमाडौं– सत्ता गठबन्धनमा लामाे रस्साकस्सी गर्दा समेत सहमति जुट्न नसके पछि बाहिरिएका उपेन्द्र यादव नेतृत्वको जनता समाजवादी पार्टी (जसपा)ले नेकपा एमालेसँग चुनावी तालमेल गरेको छ ।
एमाले अध्यक्ष केपी शर्मा ओली निवास बालकोटमा दुवै दलले ५२ सिटमा चुनावी तालमेलमा सहमति गरेका छन् । सहमतिअनुसार एमालेले जसपालाई प्रतिनिधि सभामा प्रदेश नम्बर १ मा दुई सिट, मधेस प्रदेशमा १४ सिट, लुम्बिनी प्रदेशमा एक सिटमा सघाउने छ । एमालेले प्रदेश सभाका लागि सुदूरपश्चिम प्रदेशको १ (ख)मा पनि सघाउने सहमति भएको छ । जसपाले एमालेलाई ३५ सिटमा सघाउने सहमति भएको छ ।
