मधेसमा कांग्रेसका तीन मन्त्री हटाइयाे
२८ असाेज २०७९,काठमाडौं– मधेस प्रदेशका मुख्यमन्त्री लालबाबु राउतले नेपाली कांग्रेसबाट मन्त्री बनेका ३ जनालाई बर्खास्त गर्नुभएको छ ।
राउतले भौतिक पूर्वाधार विकासमन्त्री रामसरोज यादव, खानेपानी तथा उर्जा विकासमन्त्री ओमप्रकाश शर्मा र महिला, बालबालिका, युवा तथा खेलकुदमन्त्री वीरेन्द्रप्रसाद सिंहलाई हटाउनुभएको हो ।
प्रधानमन्त्री शेरबहादुर देउवाले संघीय मन्त्रिपरिषदबाट जसपाका मन्त्रीलाई हटाएपछि मधेस सरकारले पनि मन्त्री हटाएको हो । प्रदेश प्रमुख हरिशंकर मिश्रले तीनवटै मन्त्रालयको जिम्मेवारी मुख्यमन्त्री राउतलाई दिनुभएको छ । संघीय सरकारले जनता समाजवादी पार्टी(जसपा)का मन्त्रीहरूलाई बिहीबार पदबाट हटाएको भोलिपल्ट मधेसका मुख्यमन्त्री राउतले शुक्रबार कांग्रेसका तीन मन्त्रीलाई पदमुक्त गरिएकाे हाे ।
