१४ माघ २०७९/डिकेश लामा
झापाको दमकमा आज शनिवार साँज सात बजे तिर फर्निसिङ पसलमा आगलागी भएको छ । दमक नगरपालिका वडा नं. ६ को फर्निचर लाइनमा पर्ने विकास भट्टराईको बालाजी फर्निसिङमा आगलागी भएको हो ।
आगलागी नियन्त्रणमा दमक नगर सहितका २ वटा दमकलले झण्डै १ घण्टाको प्रयास पछि आगो नियन्त्रणमा लिइएको छ । विधुत सर्ट भएर आगो लागेको आशंका गरिए पनि आगलागीको कारण भने खुल्न सकेको छैन । आगलागीको क्षति विवरण समेत आइनसकेको इलाका प्रहरी कार्यालय दमकका प्रमुख प्रहरी नायव उपरिक्षक दिलिपकुमार गिरीले जानकारी दिनु भयो ।
