बढ्दै कोरोना सङ्क्रमण : आज थप १२१ संक्रमित
२९ चैत्र २०७९,काठमाडौँ- कोरोना भाइरसको सङ्क्रमणबाट आज एक जनाको निधन भएको छ । स्वास्थ्य तथा जनसङ्ख्या मन्त्रालयका अनुसार आज एक जना सङ्क्रमितको निधन भएको हो । मङ्गलबार चैत २८ गते पनि एक जनाको निधन भएको थियो । यस्तै आज २ हजार ३ सय ७७ जनाको कोरोना परीक्षण गर्दा १ सय २१ जनामा सङ्क्रमण देखिएको छ । कोरोना उपचारबाट ८१ जनाले स्वास्थ्य लाभ गरी घर फर्कनुभएको छ । यसैगरी काठमाडौँ उपत्यकामा २५ जना आइसोलेसन, ११ जना सघन उपचार कक्ष (आइसियु) र तीन जना भेन्टिलेटरमा उपचारत रहेका छन् ।
हालसम्म चार सय ४५ जना सक्रिय सङ्क्रमित रहेका छन् । नेपालमा पछिल्लो पटक कोरोना भाइरसको सङ्क्रमण बढिरहेको छ । मन्त्रालयले सुरक्षित रहन अाग्रह गर्दै अाएकाे छ ।
