दिगाे विकासमा जाेडःसुसाशन स्थापना गर्न गौरादहमा १९ क्षेत्र निर्धारण

२३ साउन २०८०/सारासन्देश समाचार (झापा)
गौरादह नगरपालिकाले दिगो विकास र सुशासनमा जोड दिन १९ वटा क्षेत्रका गतिविधिलाई जोड दिएको छ । आर्थिक बर्ष २०८०÷०८१ को बजेट तथा कार्याक्रमसम्बन्धी जानकारी दिन आज नगरमा गरिएको पत्रकार सम्मेलनमा नगरले विकासका लागि ६ क्षेत्र र १३ वटा उपक्षेत्र निर्धारण गरी कार्याक्रम बनाइएको नगरपालिकाका प्रवक्ता नगेन्द्र भण्डारीले बताउनु भयो ।
प्रमुख प्रसाशकीय अधिकृत राजेन्द्र भट्टराईले सहजिकरण गर्नु भएको कार्याक्रममा नगर प्रमुख क्षत्रपति सुवेदीले पत्रकारको जिज्ञासासम्बन्धी जवाफ दिनु भएको छ । प्रमुख सुवेदीले नगरपालिकाले एकिकृत सम्पति कर लागु गरेको भए पनि यो आर्थिक बर्षमा कुनै पनि कर बृद्धि नगरेको बताउनु भयो ।
कर बृद्धि भयो भन्दै सामाजिक संजालमा गरिएको असन्तुष्टी वास्तवमा एकिकृत कर नवुझेका कारण भएको उहाँले बताउनु भयो । नगरबासीले स्वछेच्छाले आफ्नो घरको मुल्याङकन गरी नगरमा कर तिर्ने ऐन समेत नगरसभाले पारित गरिएको उहाँले बताउनु भयो ।
यस्तै गौरादहमा यस अघि थालिएका धेरै कामले पूर्णता पाए पनि केही महत्वपूर्ण योजनाहरु प्रदेश र संघमा सरकार परिवर्तन पछि बजेट तथा योजना कटौति हुँदा पूर्णता पाउन समस्या समेत भएको उहाँले बताउनु भयो । नगरपालिकाले यो बर्ष स्वघोषणा गरेर आफ्नो घरको कर तिर्न नगरबासीलाई आग्रह समेत गरेको छ । अघिल्लो आर्थिक बर्षको फाल्गुन महिनामा गरिएको कर समानिकरणकै आधारमा कर लागु गरिएको छ । कसैले आफ्नो जग्गाको मुल्याङकन घटाएर कर तिरेको र अहिले नक्शाको आधारमा कर विनियोजन हुँदा धेरै भएको भान भएको उहाँले स्पष्ट पार्नु भयो । यस अघि कर छल्ने नगरबासीलाई समेत यस बर्ष बनेका आर्थिक ऐन २०८०ले सही मुल्याङकन सहितको करको दायरामा ल्याउने व्यवस्था भएको नगरप्रमुख सुवेदीले स्पष्ट पार्नु भयो । उहाँले सामाजिक संजालको माध्यमबाटै सार्वजनिक सूचना वा समाचार बनाउँदा सत्य तथ्यका आधारमा बनाएर विश्वासनीय संचार कार्य गर्न पत्रकारलाई आग्रह समेत गर्नु भयो ।
चालु आर्थिक बर्षका लागि सुसाशन स्थापना गर्न आर्थिक, विनियोजन, शिक्षा, खानेपानी सरसफाई तथा स्वच्छता र विपद जोखिम न्यूनिकरण तथा व्यवस्थापन विधेयक २०८० गरी ५ वटा विधेयक समेत पारित जानकारी गराइएको छ ।