जंगली हात्तीले लियो भूटानी बृद्धको ज्यान

६ मंसिर २०८०/सारासन्देश समाचार

जंगली हात्तीले झापाको हंसेदुम्से सामुदायिक बनमा एक भूटानी शरणार्थी बृद्धको ज्यान लिएको छ । मंगलबार विहान ११ बजे तिर दाउरा खोज्न निस्कनु भएका वेलडाँगी शरणार्थी शिविरका पदमलाल तामाङको मृत्यु भएको हो । दाउरा काट्न गएका ७२ बर्षीय तामाङ वेलुकासम्म घर नआउँदा खोजी गर्नेक्रममा हात्तीले किचेर मारेको अवस्थामा जंगल भित्र फेला परेको जिल्ला प्रहरी कार्यालय झापाले जनाएको छ ।

मृतकको लाश पोष्ट मार्टमका लागि दमक अस्पताल पठाइएको छ । केही दिन यता हंसे दुम्से सामुदायिक बनमा ठूला संख्यामा हात्ती प्रवेश गरी स्थानीय क्षेत्रमा अन्नबाली नष्ट गर्नेक्रम बढेको बन प्रभावित क्षेत्रका अगुवा हेमदल भण्डारीले बताउनु भयो । बनमा आएका हात्तीले धेरै किसानको धानबाली नष्ट गर्दै आएको छ ।