सहिद सप्ताह समापनः उपेक्षामा परेको सहिद तथा वेपत्ता परिवारको गुनासो (फाेटाे फिचर)

२१ फाल्गुण २०८०/झापा
सहिद तथा वेपत्ता परिवारका सदस्यले आफूहरु अझै पनि राज्यको उपेक्षामा परेको गुनासो गरेका छन् । शहिद स्मृती दिवश २०८० सप्ताह कार्याक्रमको समापनमा आज झापामा गरिएको कार्याक्रममाझ पीडित परिवारले राज्यले अझै पनि सहिद र वेपत्ता भएका परिवारको वास्तविक समस्याबारे बुझ्न नसकेको बताएका छन् । कार्याक्रममा द्वन्द्व पीडित संघर्ष समितिका केन्द्रिय सदस्य वेपत्ता भएका राजन घिमिरेका पिता रत्न घिमिरले नेतृत्व तहले देशमा आएको परिवर्तन गर्नेहरुको सपना टेकेर उनीहरुले बाटो भुल्दै गुनासो पोख्नु भयो । यस्तै सहिद तथा वेपत्ता परिवारका लालसुन्दर राईले सरकारले शहिद परिवारलाई बेवास्ता गरेको गुनासो गर्नुभयो । उहाँहरुले सहिदको बलिदानीले व्यवस्था परिवर्तन भए पनि अवस्था नफेरिएको उल्लेख गर्नुभयो । कम्युनिष्ट नेताहरुले सहिदको सपना र भावना अनुरुप नचलेको उनीहरुले बताउनुभयो ।

यस्तै कार्याक्रममा कोशी प्रदेशमा सामाजिक विकास मन्त्री राजेन्द्र कार्कीले पनि सहिदको सपना अझै पुरा हुन नसकेको बताउनु भयो । उहाँले सहिद तथा वेपत्ता परिवारका लागि राज्यले गरेको कार्याक्रम अझै पनि उपलव्धीमुलक बन्न नसकेकाले यस प्रति आफूले यस मुद्धालाई संसदमा उठाउने बताउनु भयो । कार्यक्रममा नेकपा (माओवादी केन्द्र) केन्द्रीय सदस्य झलकसिंह दर्लामी, नेकपाका केन्द्रीय सदस्य सुमन सी, नेकपा एकीकृत समाजवादीका झापा अध्यक्ष बेदराज रेग्मीले शुभकामना मन्तव्य राख्नुभएको थियो ।

कार्यक्रममा झापाका सक्रीय संचारकर्मी राजु पाठककाे सम्पादकत्वमा प्रकाशित सुखानी सन्देशले सुखानी घटनासँग जाेडिएका जानकार र भुक्तभाेगीकाे विचार विश्लेषण सहितकाे विशेषाङ्क समेत विमाेचन भएकाे छ । मन्त्री कार्कीले विमाेचन भएकाे पुस्तकबारे झापाका अग्रज पत्रकार माेहन काजी र सम्पादक पाठकले जानकारी दिँदै पत्रिकाकाे विशेषाङ्कले सुखानीकाे इतिहास लेख्नेका लागि पनि एउटा दरिलाे दस्तावेज भएकाे बताएका छन् । कार्यक्रममा ८४ जना सहिद परिवारका सदस्यलाइ दाेसल्ला अाेढाएर सम्मान समेत गरिएकाे छ ।

झापा जिल्ला निरंकुश पञ्चायती व्यवस्था अन्त्य गर्न आन्दोलन गर्ने ५ जनालाई हत्या गरिएको दिन फाल्गुण २१ गर्ने जिल्लाको विभिन्न स्थानमा कार्याक्रम गर्ने गरिएको छ । कम्युनिष्ट आन्दोलनका अगुवा सहिद १७ देखि ३४ बर्षका रामनाथ दाहाल, नेत्र घिमिरे, वीरेनसिंह राजबंशी, कृष्ण कुइँकेल र नारायण श्रेष्ठ रहेका छन् । उनीहरुलाई झापा र इलामको सिमावर्ती क्षेत्र सुखानीमा २०२९ साल फाल्गुण २१ गते हत्या गरिएको थियो । सहिद प्रतिष्ठान नेपाल झापाका अध्यक्ष निर्मल पौडेलको अध्यक्षतामा भएको कार्यक्रममा प्रतिष्ठानका सचिव विरेन्द्र बस्नेतले गर्नुभएको थियो ।