पत्रकार घिमिरेमाथि दुर्व्यवहार गर्ने थापाले मागे माफी

२४ वैशाख २०८१, झापा– समाचार लेखेको विषयमा पत्रकार महासंघ झापाका सदस्य चिरञ्जीवी घिमिरेलाई धम्की दिने निर्माण व्यवसायी विनोद थापाले माफी मागेका छन् । थापाले सोमबार इलाका प्रहरी कार्यालय दमकमा माफी मागेका हुन् । पत्रकार महासंघका प्रतिनिधि तथा पत्रकारजन्य विभिन्न संगठनका प्रतिनिधिसँगको छलफलपछि उनले विज्ञप्ति जारी गर्दै माफी मागेका हुन् ।

शनिबार नयाँ पत्रिकाको अनलाइन संस्करणमा ‘जनप्रतिनिधिकै सहयोगमा मावा नदीको अवैध दोहन, स्थानीयलाई ठेकेदारको धम्की’ शीर्षकमा समाचार प्रकाशनपछि आइतबार थापाले घिमिरेलाई फोन गरेर धम्की दिएका थिए । पत्रकार घिमिरेमाथि भएको दुर्व्यवहारको पत्रकार महासंघलगायत पत्रकारजन्य संघसंस्थाले विज्ञप्ति निकाल्दै भर्त्सना गरेका थिए । थापाले माफी माग्दै कानुनविपरीत पत्रकारलाई धम्की दिएकोमा गल्ती महसुस भएको बताउनु भयाे । ‘विज्ञप्तिमा अब उप्रान्त थापाबाट पत्रकार घिमिरेमाथि कुनै पनि रिसिइभी नराखी  स्वतन्त्र पत्रकारिताको सम्मानमा उभिन तयार उल्लेख्य गरिएकाे छ । आफूले आवेगमा आएर पत्रकार घिमिरेलाइ गाली गलाैज गर्न पुगेकाे बताएका छन् ।