बाढी पहिराेमा परी १७० जनाकाे मृत्युः ४८ जना अझै वेपता
२५ साउन २०८१, काठमाडौँ– यस बर्षकाे बर्षातमा गत जेठ २८ गतेदेखि देशका विभिन्न स्थानमा आएको बाढी र पहिरोलगायतका विपद्मा परी आज दिउँसोसम्म १ सय ७० जनाको मृत्यु भएको छ ।
काठमाडौँ उपत्यकामा तीन, कोशी प्रदेशमा २५, मधेस प्रदेशमा ६, बागमती प्रदेशमा ३१, गण्डकी प्रदेशमा ५४, लुम्बिनी प्रदेशमा ३३, कर्णाली प्रदेशमा ८ र सुदूरपश्चिम प्रदेशमा १० गरी जम्मा १ सय ७० जनाको मृत्यु भएको प्रहरी प्रधान कार्यालयले जानकारी दिएकाे छ ।
विपद्मा परी हालसम्म २ सय तीन जना घाइते भएका छन् । बाढीपहिरामा परी हालसम्म ४८ जना बेपत्ता छन् भने ५ हजार बढी परिवार विस्थापित बनेका छन् ।
