नेपालमा आज ८५ डिस्चार्ज हुँदा १२० संक्रमित थपिए
१२ चैत्र २०७७, काठमाडौँ– नेपालमा २४ घण्टामा ८५ जना डिस्चार्ज भएका छन् । यो सँगै निको हुनेको संख्या २ लाख ७२ हजार २ सय ७२ पुगेको छ । सक्रिय संक्रमितको संख्या भने १ हजार २ सय १७ रहेको छ।
यस्तै पछिल्लो २४ घण्टामा १ सय २० जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार देशभरका प्रयोगशालामा २ हजार ८ सय ९१ पीसीआर नमूनाको परीक्षणमा बिहीबार १ सय २० जनामा संक्रमण देखिएको हाे ।
योसँगै नेपालमा कोरोना संक्रमितको संख्या २ लाख ७६ हजार ५ सय ९ पुगेको छ । नेपालमा कोरोना संक्रमणबाट मृत्यु हुनेको संख्या ३ हजार २० रहेको छ । पीसीआर परीक्षण भने २२ लाख ५१ हजार ८ सय ८४ रहेको मन्त्रालयले जनाएको छ । क्वारेन्टाइनमा ५५ जना छन् ।
